صور.. شباب "معادينز" يحتفلون مع أطفال دار الإيمان لذوي الإعاقة

3:34 PM Sat, Apr 13, 2019


تغطية وتصوير - رفاعي

احتفلت مجموعة من شباب جروب "معادينز"، صباح الجمعة 12 أبريل 2019، مع أطفال دار الايمان لرعاية الاطفال
ذوى الاعاقة، وذلك بمقر الدار بالتجمع الخامس.

حرص رواد الدار وشباب "معادينز" على ادخال الفرحة واللعب مع الأطفال، ثم شارك الحضور الرقص مع الأطفال مع فقرات ال"دي جي"، و"الأراجوز"، وغيرهم.

فيما نشر جروب شباب "معادينز" على الصفحة الخاصة بهم على موقع التواصل الأجتماعي "فيس بوك"، "طبعاً كلنا عارفين ان رمضان خلاص فاضله اقل من شهرين و ده معناه ان الشغل التقيل خلاص هيبدأ، بدايتنا كانت في ٢٠١٤ و لحد دلوقتي مكملين، والي عملنا فيهم حوالي ٥٠٠٠ شنطة لرمضان وهدفنا السنة دي نوصلهم ٦٠٠٠ شنطة و اكتر.

رمضان خلاص قرب، اكتر شهر كلنا بنستناه من السنة للسنة عشان نتجمع و نفطر سوا بس طبعًا مبيكملش من غير شغل رمضان ولمتنا وفرحتنا واحنا بنحضر الشنط و بنوزعها على الناس اللي بتستنانا من السنة للسنة و فرحتهم اللي بتنسينا اي تعب تعبناه، احنا بدأنا نلم فلوس شنط رمضان و حاولنا ان سعرها ميزدش عن السنة اللي فاتت كتير و حاولنا اننا نجيب اقل اسعار بأحسن جودة زى ما متعودين و زي ما انتوا عارفين ان مهمتنا كل سنة بتكون اصعب عشان الاسعار فى زيادة مستمرة لكن بيكم وبوجودكم ومشاركتكم معانا هنقدر نعمل ال ١٠٠٠ شنطة و اكتر.

وأوضح الجروب بأن "الشنط دي بتتوزع في عزبة الصفيح، طرة و البساتين و اماكن تانية كتير محتاجة، وشنطة السنة دي ب ١٩٠ جنيه و بتكفي عيلة مكونة من ٥ افراد، ناس كتير مستنية مساعدتكم و مساهمتكم في الشنط و شغل رمضان، مش شرط تشارك بسعر شنطة كاملة ممكن الجزء اللى تقدر عليه او على الاقل تعمل شير.

فيما نشر الجروب بعض الأرقام لللاستفسار او المشاركة في عمل الخير:
نادين هشام: ٠١٠١١١٢٢٤٨٢
مصطفى كامل: ٠١١٥٧١٢٣٢٢٣
احمد تامر: ٠١٠٠٤٥٠٩٢٨١
محمد اسامة: ٠١١٢٠١٢٠٦٧٧
محمد عصام: ٠١١٤٨٩٦٦٦٨١






























لا توجد تعليقات

اضف تعليق

الاسم :  
البريد الالكترونى :    
عنوان التعليق :  
التعليق :  
 
الأكثر قراءة