بسبب التحليل النفسي للأغاني محمد زكريا يواجه شيرين عبد الوهاب !

11:59 AM Sun, Jun 16, 2019


كتب - رفاعي

في ظل التطوير والنجاح الذي يشهده مدربين التنمية البشرية, وعلي رأسهم المدرب "محمد زكريا" مدرب التنمية البشرية وقانون الجذب الأول بمصر، فقد حرص على التنوع في التحليل النفسي وبدء التحليل لكلمات الأغاني.

وبعد استطلاع الرأي على موقع التواصل الأجتماعي الخاص به "فيس بوك"، عن التحليل النفسي للأغاني، فأختار أغنية "اعصابة ثلاجة" للنجمة "شيرين عبد الوهاب".

وعن التحليل النفسي للأغنية فقال :
أستاذه شيرين عبدالوهاب، فى أغنية أسمها أعصابه ثلاجة، بتوصف فيها اللى بتحبه، وهى فى الحقيقه بتوصف الرجاله عموما.
انا مش صعب عليا أذاه .. لو بص برا أنا مش عايزه
ونقولها هيبص يا أستاذه شيرين دا طبيعة الرجل علشان كده ربنا أمره بغض البصر .. المهم انه ميعملش علاقات او بصاته تكون اوفر
أما فى العادى علم النفس بيقول الرجل الطبيعى هو اللى يبص .. والقوى هو اللى يقدر يسيطر على نفسه
وفى ثانيه واحده هكون سايباه مش هبقى على حاجه
ونقولها دا قلة ذكاء منك الأفضل تشوفى بيعجبه ايه في اللى بيبص عليهم وتعمليه او تظهرى جمالك له اكثر
خليكى ذكيه يا شيرين
حاله غريب داخلين فى يومين .. على كل حاجه مش متفقين
بزعل وهو أسم الله عليه أعصابه ثلاجه
بصى ياستى حاله غريب يبقى الأخ فى الكهف بتاعه مشغول بحاجات زى الجواز والنيش ويجيب التورته من لابواغ ولا لابوم او يمكن معهوش رصيد
مش متفقين بقى لانك بتفكرى بالمشاعر وهو بالعقل أقرأى ياشيرين كتاب الرجال من المريخ والنساء من الزهره وبعد ما تخلصيه غلفيه كويس فى أى مكتبه وادهوله هديه
أعصابه ثلاجه بقى أحمدى ربنا علشان فى رجاله ثانيه متعصبه على طول وكان زمانك بتشتكى لطوب الأرض
علطول أجى كده يجى كده .. مرتاح وانا متنكده .. سايباه وانا متاكده فى آنه فى الموضوع
ما تساليه مباشرة بدل الشكوى دى كلها
قوليله أيه يا حسين مالك .. لما تحب تتكلم ياسحس انا موجوده واكثر حد هيسمعك ويفهمك
فك بقى يا ابن الكئيبه
سرحان علطول مش هنا .. كام يوم وانا مستحمله .. لما افهم الموضوع
ياصبرك كام يوم بتراقبى وتتوقعى وتعملى خطط 🤔
ما قولتلك أساليه على طول 😏
نص كلامه بقى لوغاريتمات .. دا بينسى حتى وجودى ساعات .. أنا خايفه منه وشايفه حاجات بصراحه قلقانى
دا الموضوع كبر يا جدعان بس بدل ما كنت تقعدى تخمنى نيته ايه وبيفكر فى ايه وحطيتى الطاقه دى انك تفهمى شخصيته وامتى بيسكت وامتى يتكلم .. او حتى كنت سألتى امه .. كنت كسبتى اكتر
خايفه منه وخايفه عليه .. دى بقى طاقة تنافر رهيبه وهتبوظ العلاقة
علشان كده ياشيرين انصح كل بنت انها تحول الخوف لطمأنينه وتسأله مباشرة مالك وماتلومش عليه ولو ما ردش سبيه يأخد وقته
شوية حاجات بسيطه ياشيرين هتخلى حسين هو اللى يتمنى رضاكى .. أتنصحى بقى
ما تقول حاجه يا حسين .. ماتبقاش ثلاجة كده يا اخى.

وبعد الأنتهاء من التحليل النفسي للأغنية نشر المدرب "محمد زكريا" على موقع التواصل الأجتماعي ال"فيس بوك" الخاص به "ايه رايكم في التحليل النفسي للأغاني اللي عملته .. تحبوا نكمل وكل يوم أغنية .. ولو عجبك الموضع .. رشح أغنية.






لا توجد تعليقات

اضف تعليق

الاسم :  
البريد الالكترونى :    
عنوان التعليق :  
التعليق :  
 
الأكثر قراءة